Светското богатство се зголеми од 156 трилиони долари во 2000 година на 514 трилиони долари во 2020 година, според извештајот на консултантската компанија McKinsey.
Анализата покажува дека 60% од богатството е концентрирано во десетте најбогати земји. Вкупно 50 отсто од растот во последните две децении се должи на Кина, додека 22 и 11 отсто отпаѓаат на САД и Јапонија.
Кинезите сега имаат комбинирано богатство од 120 трилиони долари, што е повеќе од 7 трилиони долари во 2000 година.
Во Соединетите Држави, од друга страна, богатството на населението е речиси двојно зголемено на сегашните 90 трилиони долари.
Вкупно 67% од богатството во Кина и САД е контролирано од 10% од најбогатите луѓе во двете најголеми економии, што покажува дека нееднаквоста не само што опстојува, туку и се продлабочува.
Недвижностите сочинуваат 68% од светското богатство денес и се речиси подеднакво распределени меѓу земјоделското земјиште и станбените објекти (35 и 33 проценти).
Зголемувањето цените на градежните материјали, како и проблемите околу имотниот гигант Evergrande, може да доведат до криза во Кина слична на онаа од 2008-ма година во САД, предупредува McKinsey.
Тоа би збришало до 33% од светското богатство, велат консултантите на компанијата.
(Denar.mk)
(фото: Pxhere)