Есента е време на подготовки за зимскиот период. Подготвувањето зимници не е тешко, само треба да имате добра волја и доволно трпение за подготовка.
Нашата Виолета денес ни подготви Царска салата. Рецептот го споделува со нас:
1 кг. корнишони
1 кг. моркови
1 кг. карфиол
1 кг. црвени пиперки (ајварки)
Сите намирници се сецкаат на помали парчиња.
За солилото потребно е:
3 литри вода
450 мл. 9% алкохолен оцет
200 гр. крупна сол
200 гр. шеќер
Солилото треба да зоврие, потоа да се излади, па му се додава 1 пакетче бибер во зрно и 5грама винобран. Вака подготвеното солило се полева врз исечканиот зеленчук, кој потоа се складира во соодветни тегли.
