Нашата вредна Виолета денес ни ги подготви познатите и вкусни грклани. Навистина лесно и брзо се приготвуваат, а целата постапка во продолжение:
Потребно:
500 гр готово лиснато тесто
За шам
3 белки
100 гр шеќер
И уште за шербет:
40 мл вода
150 гр шеќер
Лиснатото тесто се развлекува со помош на сукалка и се сечат 10 ленти. Металните калапи се премачкуваат со масло или маргарин за да не се залепи тестото и по една лента на секој калап.
Се мачкаат со јајце и се печат во добро загреана рерна 20 минути на 220°С.
Шам:
Белките убаво се матат со 100 гр шеќер а во меѓувреме се подготвува шербетот кој мора да се вари точно 4 минути и лажица по лажица се тура во белките и се мати со миксерот се додека не се добие многу цврста смеса.
Се полнат ладните грклани со шамот со помош на готварски шприц.
Декорација со шеќер во прав или стопено чоколадо.