Додека траат Велигденските пости, Виолета одлучи секој четврток да ни претставува по еден свој посен рецепт. Така, сите верници кои постат, може да добијат идеја за посен, но истовремено и вкусен оброк или десерт.
Денес, погледнете и применете еден едноставен посен рецепт за десерт во чаша.
Се мелат 200гр посни бисквити.
1 пудинг од чоколадо се вари според упатство со 3 лажици шеќер и вода
100 мл вода
100 гр замрзнати вишни
3 лажици шеќер
Се варат заедно водата, шеќерот и вишните, додека омекнат вишните.
1 лажица густин се раствора со 50 мл вода, се става во вишните и се вари до згуснување.
Во соодветни чаши прво се налева од пудингот, слој бисквити, пудинг, бисквити и на крај се става слој од сварените вишни.
Уживајте во ова слатко задоволство!