Се наоѓаме во сложена и неповолна епидемиолошка состојба. Корона вирусот се уште е активен и циркулира околу нас. Токму тоа значи дека се уште треба да бидеме особено внимателни, и да се придржуваме кон пропишаните мерки за безбедност.
Од Центарот за јавно здравје Охрид, истакнуваат дека непридржувањето на мерките за:
-правилно носење на заштитна маска/марама/шал
-често миење/ дезинфекција на рацете
-одржување на физичка дистанца не помала од 2 метра
-избегнување било какви собири и групирање;
значително го зголемува ризикот за лесно ширење на заразата со коронавирусот.
Во овој период, особено апелираме до родителите и децата да не се организираат и одржуваат семејни и друг вид на собири и веселби поврзани со завршувањето на основното образование – полуматура! - апелираат од ЦЈЗ
Да бидеме одговорни, разумни, трпеливи, дисциплинирани!
Од секој од нас зависи времетраењето и исходот на оваа борба со корона вирусот. Се работи за нашето здравје и здравјето на нашите најблиски!