-
27.01.2020
-
Тајните на Охрид
Фотографијата која деновиве ќе ја краси нашата насловна страна е уште едно навраќање, но овој пат кон поблиското минато на Охрид.
Знак за препознавање на преубавата градска обала до неодамна беше хотелот Парк, за кој сега граѓаните со доза револт и носталгија зборуваат и споделуваат убави сеќавања. Парк беше вистински украс на плажата, опкружен со зеленило, природа каде се вдишуваше убавина, љубов и се создаваа незаборавни мигови.
Денес, на местото на овој хотел, се изгради нов, модерен комплекс, кој зафаќа поголем простор, а за сметка на тоа зелената површина е сведена на минимум.
Фотографијата која датира од не толку далечната 2006-та година, ја позајмивме од фејсбук групата "Охрид, слики од минатото", каде за јавноста ја постираше нашиот сограѓанин Петар Боев.