Голем број охриѓани ја покажаа својата хуманост донирајќи во собирните каси на Црвен крст Охрид, на вчерашниот хуманитарен настан за помош на Јана кој во организација на Црвен крст Охрид и Oriflame се одржа на Градскиот плоштад „Св.Климент Охридски“.
За возврат, дел од посетителите од тимот на Oriflame добија тестирање и целосна, професионална анализа на кожата со Апи апарат како и третман на лице со соодветна NOVAGE колекција, а дел се забавуваа со волонтерите на Црвен крст со добра музика и конзумирање на производите на Рондо трејд, сокови, кафе, топло чоколадо и друго.
Оваа хуманитарна акција со истите содржини продолжува и денес од 11-16 часот на Градскиот плоштад во Охрид.
Не пропуштајте ја можноста за анализа на својата кожа на чувствителност, брчки, акни, меланин, пори и др., но и да ги вкусите напитоците од фирмата Рондо трејд и воедно ја изразите својата хуманост. Средствата собрани од оваа хуманитарна акција ќе бидат наменети за помош во лекувањето на нашата сограѓанка Јана Арсовска.
Акцијата е поддржана и од ресторанот Лихнидос.
Не заборавајте и на вечерашниот настан за Јана!
Од 19:30 часот во НУ Центаро за култура `Григор Прличев` бидете дел од големиот хуманитарен концерт `Заедно за Јана`, на кој ќе настапат Фолтин, Камелеон, Ѓоко Таневски и Владимир Четкар.
Цената на влезницата за концертот изнесува 300 денари, а сите собрани средства ќе бидат префрлени на сметката за лекување на нашата сограѓанка Јана Арсовска.