Утре започнува програмата на Црвен крст Охрид `Млади лидери создаваат иднина`

 
 Новата програма за младите „Млади лидери создаваат иднина“ која Црвен крст Охрид ќе ја реализира во соработка со Американскиот мировен корпус во Македонија, започнува утре, 14.03.2019 г. (четврток) во 19:30 ч. во просториите на Црвен крст Охрид.

 Оваа програма, наменета за ученици од 14-18 години интегрира неделни работилници, екскурзии, развој на проекти и практикум за волонтирање со цел учениците да прераснат во активни граѓански лидери во нивните училишта и заедници. Воедно младите ќе ги зајакнат своите лидерски вештини и како лидери ќе можат да придонесат во развојот на заедницата, како и да стекнат и развиваат вештини за вработливост, чувство за цел и иницијатива, одговорност и ресурси потребни за достигнување на компетитивни работни кариери.
 
Програма е во времетраење од 14 недели, а наставата ќе се одвива на македонски јазик.

 
 
 
 фото: архива