Најновото музичко видео на Владимир Четкар за неговата авторска композиција „Joyride“ е дело за вистинско уживање.
Видео записот кој веќе е во етер, е дело на Борче Димовски и е снимен на неколку локации во Охрид.
Инструменталната тема „Joyride“, ќе се најде на третиот студиски албум на Четкар, кој во март ќе биде издаден од страна на „P-Vine“, една од најпознатите музички куќи во Јапонија.
Новото видео можете да го погледнете и да уживате
тука.
“Joyride“ е снимена вo њујоршките студија „The Bunker Studio“ и „Cowboy Technical Services“, а мастерингот е работен во Лондон во „Carvery Mastering“.
Песната со која беше најавен новиот албум, „Come With Me“ периодов секојдневно е во етерот на многу радио станици во Јапонија како „FM Cocolo“, „Inter FM“, „ZIP FM“, „K-Mix“, „FM – N1“, „Momo Radio“ и многу други.
Албумот кој е насловен „Going Home“ ќе биде издаден во март, со високотиражна дистрибуција насекаде во Јапонија.