Градскиот мешан хор Вокс Лихнидос синоќа одржа концерт кој беше вистинксо уживање за публиката. Овој предновогодишен настан хорот му го посвети на прерано починатиот градоначалник на Општина Охрид, проф. д-р Јован Стојаноски, кој беше голем поддржувач на културно-уметничкиот живот во Охрид.
Публиката имаше можност да слушне композиции од класична, духовна, популарна/модерна музика, како и хорски преработки инспирирани од македонската традиционална музика.
Охридскиот хор е оформен во почетокот на 50-тите години од минатиот век. Со хорот раководеле диригентите Наум Гаврилоски, Коста Веруш, Билјана Малезанова и Александар Димоски.
Во 2015 година охридскиот градски мешан хор го добива името Вокс Лихнидос, а со него раководи сегашниот диригент Бурим Хидри. Хорот одржува годишни и новогодишни концерти, редовно учествува на реномираниот хорски фестивал ТеХо, со свои настапи ги поддржува културните манифестации во Охрид со што претставува своевиден културен амбасадор на градот и Република Македонија.