Обновено: Денес - бесплатни превентивни прегледи на градскиот плоштад

  Во пресрет на празникот Илинден, а со цел превентивна грижа за здравјето на населението, особено во време на високи температури на воздухот, Црвен крст Охрид во текот на целиот ден на 1 август 2018 година, на Градскиот плоштад во Охрид во периодот од 16 – 22 ч. во соработка со Здружението „Мозочен удар“ Охрид ќе врши здравствено-превентивни прегледи.

 Медицинските екипи на Црвен крст Охрид и Здружението Мозочен удар ќе бидат на располагање на сите заинтересирани охриѓани и гости кои ќе имаат желба и потреба  да го дознаат своето ниво на шеќер во крвта, како и да направат основен здравствен преглед-мерење на крвен притисок, ЕКГ и добијат корисни совети за заштита на своето здравје особено при  високи температури на воздухот и изложеноста на сонце.  Исто така, од тимовите на парамедици  ќе бидат презентирани вештини и техники на правилно укажување прва помош во различни ситуации.