Охридските матуранти од четирите средни училишта ОСУ„ Св. Климент Охридски“, СОСУ„Св. Кирил и Методи“ , ЕМУЦ „Св. Наум Охридски“ и ОУТУ “Ванчо Питошески“, беа дел од манифестацијата Mатурска парада 2018 што вчера точно на пладне се одржа на плоштадот „Св. Климент Охридски“ во Охрид.
https://www.youtube.com/watch?v=QFPqvrfyGtE
Пред бројната публика досегашните ученици го заиграа познатиот квадрил на музика од операта "Лилјакот" од Штраус.
Матурската парада за прв пат се одржа во Љублјана – Словенија во далечната 2001 годинава, а во Македонија се одржува од 2007 година. Годинава охридските матуранти истовремено танцуваа „Квадрил“ со нивните врсници од шеесетина држави од Европа меѓу кои се Македонија, Србија, Словенија, Босна и Херцеговина, Хрватска, Романија, Украина.