Вчеравечер во просториите каде се одржуваше Саемот на книгата, (ВИП Арената
Борис Трајковски во Скопје), традиционално беа доделени книжевните награди за најдобрите меѓу двата Саеми, во различни категории.
Меѓу наградените е и книгата за деца
Збороигри 2 од Славе Ѓорѓо Димоски, која ја доби втората награда за најдобро илустрирана книга или сликовница. Илустрациите во книгата се дело на Јулијана Величковска, а со својата колоритност и живописност, измамуваат интерес и детски насмевки.
Наградата ја доделува Здружението на издавачите и книжарите на Република Македонија, преку жири комисијата во состав: проф. д-р Александар Прокопиев – претседател на комисијата и членовите проф. д-р Иван Џепаровски и д-р Ацо Пероски. Дипломите на наградените книжевници им ги доделуваше претстедателот на Здружението, Горјан Лазаревски.