По налог на Општина Охрид започнаа градежните активности за реконструкција на резервоарот за вода и изградба на нов цевковод во с. Свињишта.
Проектот се реализира со средства од буџетот на локалната самоуправа во вредност од 335 191 денари.
Во моментов се работи и на реконструкција и санација на резервоарот за вода во с. Горно Лакочереј. Вредноста на проектот е 1 354 247 денари.
Изведувач на градежните активности е фирмата „БОКОП“ од Струга.
По овие активности се очекува подобрување на системот за водоснабдување и поквалитетно приклучување кон системот за вода на сите домаќинства од овие селски средини.
Извор: www.ohrid.gov.mk