Лесен и освежителен десерт ни нуди нашата Виолета овој четврток. Кокос пудинг коцки се вкусни и лесни коцки кои брзо се приготвуваат, а во вкусот долго се ужива.
За подготовка на овој десерт потрбно е:
5 белки
100 гр шеќер
Се матат убаво се додека не се добие бела густа пена, се исклучува миксерот и со шпатула се мешаат:
100 гр брашно
125 гр кокос
1 прашок за пециво
Се печи во калап 24х24,15тина минути на 200°С.
Тестото се попарува со:
200 мл млеко
2 лажици шеќер
1 кесичка ванилин шеќер
Врз тестото се става жежок фил од:
500 мл млеко
1 пудинг од ванила
2 лажици брашно
8 лажици шеќер
5 жолчки
Се вари како пудинг и додека е жежок му се додава 200 гр маргарин, се промешува да се соедини.
Се става во ладилник да се излади..
Се мати 200 мл слатка павлака и се премачкува врз филот. Се наросува кокос. Се сечи ладно.
На здравје!
