Синоќа се одвиваше интензивна градежна динамика на улицата „15-ти Корпус“ на потегот пред влезот во селото Лескоец.
Поради големата фреквенција на сообраќај, стручните екипи работеа и во текот на вечерните часови.
Градоначалникот на Охрид, Констанстин Георгиески, на својот фејсбук профил информираше дека се вршеше машинско гребење на стариот асфалтен слој и тампонирање, како дел од подготвителните активности пред асфалтирањето на коловозот, кое ќе се одвива во наредниот период.
Претходно се вршеше асфалтирање и уредување на тротоарите, се постави нова атмосферска канализација и се работеше на нови приклучоци на водоводната линија.
Работните активности на овoј капитален инфраструктурен проект се очекува да бидат финализирани во втората половина од месец мај.
Извор: фејсбук страна на Градоначалникот на Охрид, Константин Георгиески