Православните верници денес го чествуваат Христовото раѓање - Божиќ.
Божиќ е втор најголем христијански празник, по Велигден.
Црквите кои го користат грегоријанскиот календар вклучувајќи ги сите католички, протестантски и повеќето православни цркви, го прославуваат на 25 декември. Црквите кои го користат јулијанскиот календар, вклучувајќи ја и Македонската православна црква, го прославуваат Божиќ на 7 јануари.
Со вечерата на Бадник завршуваат предбожиќните пости. Божиќната трпеза е разновидна и свечена, па семејството по традиција, празникот го прославува најчесто во својот дом со богат ручек, а денот е неработен за сите верници.
На сите православни верници, редакцијата на Ohrid Magazine им го честита рождеството Христово – Божиќ!
Христос се роди! Навистина се роди!