Во културно-информативниот центар “Култура 365” на 2 јули, во пресрет на празникот на Свети Наум Охридски, од 20 часот ќе се одржи културно-уметничка вечер посветена на Свети Наум и седмочисленичката дружина.
Во чест на светителот, пригодна беседа насловена “Свети Наум на фонот на македонската културна историја” ќе одржи професор доктор Димитар Пандев.
Во рамките на манифестацијата ќе се говорат пригодни говори и песни посветени на Свети Наум.
Со овој настан започнуваат ЛУНУС – Летните уметнички ноќи на улица Самоилова, кои ќе траат до крајот на август. Сите уметници заинтересирани за претставување и изведуање на своите дела во рамките на ЛУНУС можат да се пријават во КИЦ “Култура 365” , односно на e-mail
itvo@t.mk.
Организатори на ЛУНУС се Димитар Пандев, Славе Ѓорѓо Димоски и Мишо Јузмески.