На 29 јуни по 18-ти пат во Охрид ќе се одржи Фестивалот на новосоздадена македонска народна и забавна песна „КАНЕОФЕСТ“.
Благодарение на добрата промоција и успешноста на работата на тимот на фестивалот, оваа година `Канеофест` добива меѓународен карактер со тоа што на сцената на овој фестивал ќе се промовираат и учесници од соседните земји, а договорена е соработка и со надворешни изведувачи во ревијалниот дел.
Фестивалот ќе продолжи во својата цел за промовирање пред се на новите и млади изведувачи кои ја чекаат својата шанса на сцена, но се разбира се отвора простор и за оние веќе докажаните.
Сите кои што поседуваат музички талент, сакаат да пеат, да создадат перформанс на сцена или едноставно да се забавуваат, треба да се пријават на конкурсот кој веќе е во тек.
Крајниот рок за пријавување на песни е 20 јуни, а сите заинтерсирани може да се пријават на следниве e-mail адреси:
tvmoris@yahoo.com ;
kaneofest_jovan@hotmail.com
Организатор на фестивалот е Телевизија Морис.